hello, air doughnuts!
目錄
冬甩歷史
冬甩嘅出現最早可以追溯到18世紀嘅美國，之後係不同國家因應當地嘅飲食文化出現變種，款式多達50種。雖然款式多變，但冬甩嘅靈魂始終係將發酵過嘅麵糰整成圓碌碌嘅形狀，然後炸到外脆內軟，最後加上唔同配料，形成多種口味。係眾多不同口味中，香港比較常見嘅有美式，日式和港式冬甩，你又有無食過呢?
唔同種類嘅冬甩
美式冬甩
美式冬甩一般分為三大派別: 蛋糕冬甩(Cake Doughnut)，酵母冬甩(Yeast doughnut)和薯蓉冬甩(Potato doughnut)。蛋糕冬甩係用傳統蛋糕嘅技術，在麵團加入梳打粉，令冬甩氣泡孔較小，為麵團加入鬆軟嘅口感。在製作時亦會加入較多牛油，增加冬甩香味。薯蓉冬甩嘅用料和製作過程同蛋糕冬甩差唔多，只係將部分麵粉轉換成薯蓉或薯粉，薯蓉冬甩較蛋糕冬甩濕潤。酵母冬甩係發酵嘅方法和蛋糕冬甩有很大不同，利用酵母菌為麵團增加氣孔，而氣孔嘅尺寸都較大，口感亦更有彈性，同時因所用的酵母菌品種不同，風味也有所不同。
日式冬甩
在日式冬甩之中，最有名氣的冬甩一定係波提冬甩(Po de Ring)，這是由日本超人氣冬甩店Mister Donut所創作的冬甩。波提冬甩和傳統冬甩的外型有很大分別，由8個小麵團形成一個環狀，上面再加上不同口味的糖衣。唔止外形，口感都好特別，口感食起上黎就好似麻糬咁。自2003年面世以來已經推出過82種口味，朱古力、士多啤梨、抹茶、芝麻和其他意想唔到嘅味道。
港式冬甩
港式冬甩相信好多人都食過，就係在舊式茶餐廳或者餅店的沙翁。外形上同圓環形嘅冬甩不同，沙翁係球型嘅油炸甜食。製作上使用雞蛋、油及麵粉混合而成麵團，炸成型後再係表面灑上砂糖。所以食落嘅口感就會外脆內軟，而且蛋味非常濃郁。不過隨着時代嘅變遷，港式冬甩已經變得越嚟越少見。