散水餅意思同由來喺點樣？散水餅屬於香港職場文化嘅一種，亦都係離職者嘅心意，對同事及上司表達感謝。款式平至$10一塊曲奇，貴至$70一件蛋糕，豐儉由人。但愈貴代表愈好？散水餅最緊要就是心意，大方有禮，而且要配合身份地位。

散水餅字句

如果怕直接對話尷尬，不妨設計心意小卡或者MEMO紙，同曾經共事的同事講多謝同表達祝福！

派散水餅注意事項

1. 散水餅派發黃金時間

最佳派發時間是下午4至5時。如果午飯時間後冇耐就派散水餅，同事啱啱食完飯冇耐，未咁快有胃口食散水餅。亦都要注意避免臨近收工先派，以免阻礙同事收工。事前訂購嘅時候，亦都可以同商家夾定送貨嘅時間，送最新鮮嘅散水餅俾同事。

預訂前記得要計劃好名單及數量，但往往總會有突發情況出現。若要避免出現派到最後冇散水餅派嘅尷尬情況，記得預多幾份，好過留下壞印象，世界好細，總會有機會喺江湖上再見。

平時要多留意同事口味，如果有較多同事比較鍾意甜嘅款式，就多預購如朱古力或紅莓味等款式。如有些同事較注意健康，就需要選擇較少糖的款式。近年越來越多人注重健康，所以揀散水餅嘅時候，可以揀一啲選用低卡路里糖嘅散水餅，例如用羅漢果糖嘅空氣冬甩，好食得嚟又會喺同事眼中留下貼心嘅印象。

派散水餅都要分先後次序，要分大細，首先當然派比上司，然後是自己部門同事及幫過你的人。確保熟悉的同事人人都可以收到。之後就係接待處同事、清潔姐姐等。

除咗好食，當然要夠特別，小店往往就能照顧到你各種唔同需要，提供各款度身訂造要求。除此之外，喺疫情之下，亦都需要注重散水餅嘅包裝，一啲獨立包裝嘅散水餅，可以俾人嘅感覺更加衛生，亦都可以延長保質期。就算疫情之下要A/B Team，work from home都好，都可以留一份心意比見唔到嘅同事！